Kaixo 6M eta matematikazaleok!!
Gai al zarete eragiketa arraro hau ebazteko eta irudi bakoitzaren balioa aurkitzeko?
Eragin buruari!!
2016(e)ko ekainaren 16(a), osteguna
2016(e)ko ekainaren 15(a), asteazkena
TANGRAM-A
Kaixo 6M
Egun hauetan aspertzen bazarete, hemen daukazue engantxatzen duen jolasa.
Ondo pasa!
2016(e)ko ekainaren 9(a), osteguna
BURUHAUSTE II
Zelan izan daiteke zuzena hurrengo eragiketa pospolo bakarra lekuz aldatzen?
Hiru modu desberdin daude. Baietz aurkitu guztiak!!
Buruari eragin!!
2016(e)ko maiatzaren 28(a), larunbata
BOLUMENAREKIN OLGETAN
Gaur jolasaren eguna den honetan, duela egun batzuk egindako jardueraren bideoa daukazue hemen.
2016(e)ko maiatzaren 24(a), asteartea
FUTBOL BALOIA IKERTZEN
Kaixo 6M!
Hona hemen futbol baloia:
Inoiz pentsatu duzue gorputz geometrikoa dela? Argi ikusten da matematika edonon dagoela, baita kirolan ere!
Ikusten duzuenez, lotura handia dauka amaitu berri dugun gaiarekin eta gaur arratsalderako lanarekin ere bai. Hain zuzen, gaurko tailerra futbol baloiari buruzko ikerketari zuzenduta dago.
Taldeka informazioa bilatu beharko duzue eta zuzena izanez gero, baloia osatzeko materiala jasoko duzue.
Hona hemen galderak:
Zein motatako gorputz geometrikoa da? Poliedroa al da? Edo gorputz biribila?
Etorkizunean, beste era batean egongo da osatuta futbol baloia. Zein da esferara gehien hurbiltzen den gorputz geometrikoa? Zein eta zenbat irudi geometrikoz osaturik dago?
Zein material beharko genuke gaur egungo futbol baloia osatzeko? Zein irudi geometriko? Zenbat? Zein kolorekoak?
2016(e)ko maiatzaren 23(a), astelehena
BURUHAUSTEA
Kaixo 6M!
Bolumen gaiari amaiera emateko, horrekin loturiko buruhauste bat proposatzen dizuegu. Buruhauste honen protagonista aurkezten dizuegu: zizare bihurria. Liburuak jatea gustatzen zaio eta liburutegi batean sartu da.
10 tomoko entziklopedia baten liburu bakoitzak 100 orri ditu (azalak barne). Zizare bihurriak, entziklopedia honen lehenengo tomoaren lehenengo orritik azkenengo tomoaren azkenengo orrira jaten ditu. Zenbat orri jaten du guztira?
Ea nork asmatzen duen!!
2016(e)ko maiatzaren 19(a), osteguna
ZORIONAK RUBIK
Rubiken kuboa Ernö Rubik forma geometrikoetara zaleturiko eskultore eta arkitektura irakasle Hungariarrak 1974ko maiatzaren 19an asmatu zuen. 1977an merkatu hungariarrean zabaldu zen Kubo Magiko izenarekin eta 1980etik aurrera mundu osoan Rubiken kuboa bezala.
Rubik kuboa platikozko piezen bidez muntatuta dago. 1979an akordio bat egin zuten Ideal Toys-rekin Rubik Kuboa mendebaldera eramateko eta lehen Rubik Kuboak saltzen hasi ziren 1980-ko otsailean.
Rubiken kuboa buruhauste-jolas mekanikoa da. 3x3x3ko Rubiken kuboa guztira 26 kubo txikiz (eta ardatzaz) osaturik dago eta onartzen dituen mugimenduen bidez bere egitura alda daiteke. Jokoaren helburua kuboaren hasierako egitura (alde bakoitza kolore bakarrekoa) berreskuratzea da.
Guztira 43.252.003.274.489.856.000 konbinazio daude Rubik Kuboan egiteko
Ba al dakizue, hemendik oso gertu Euskal Rubik taldea dagoela?
Guztira 43.252.003.274.489.856.000 konbinazio daude Rubik Kuboan egiteko
Ba al dakizue, hemendik oso gertu Euskal Rubik taldea dagoela?
Hona hemen, Rubiken kubo interaktiboa. Ondo pasa!!
2016(e)ko maiatzaren 15(a), igandea
GORPUTZ GEOMETRIKOAK EDONON
Hona hemen jasotako argazkien collage-ak. Espero zenuten baino gehiago aurkitu duzue? Oraindik ere beste baten bat topatzen baduzue, bidali ezadazue!!
Nik hiru jarraian topatu nituen denda batean: konoa, esfera eta zilindroa. Kasualitatea ote? Ez dut uste...
2016(e)ko maiatzaren 11(a), asteazkena
MATEMATIKAREN NAZIOARTEKO ESKOLA-EGUNA
Kaixo 6M!
2000 urtean, Nazioarteko Matematika Urtean hain zuzen, maiatzak 12a Matematikaren Nazioarteko eskola-eguna ezarri zuen UNESCOk. Data hau aukeratu zen Pedro Puig Adam-en omenez, 1900eko maiatzaren 12an jaio baitzen. Gizon hau Matematika irakaskuntza-sailan oso ezaguna izan zen mundu osoan.
Askotan galdetuko diozue zeuen buruari zertarako balio duen Matematika... Ba sinetsi ala ez, edonon dago! Uste dugun baino leku eta egoera gehiagotan. Eta matematikaz ari garenean ez dira zenbakiak soilik, beste atal batzuk badaude oso garrantzitsuak ere bai.
Jarraian bi bideo motz txeratzen dizkizuegu matematikaren garrantzia azalduz:
Amaitzeko, oparitxo bat uzten dizuegu etxean ikus dezazuen. Baina baten batek komentatu nahi du zer iruditu zaion, aurrera! Zeuen iruzkinak irakurtzeko irrikitan gaude!!!
2016(e)ko maiatzaren 2(a), astelehena
LORTU AHAL DUGU ZERBAIT ZEROTIK?
Hurrengo bideoan sarreraren izenburuaren erantzuna aurkituko duzue.
Adi egon eta asko ikasi!!
Adi egon eta asko ikasi!!
2016(e)ko apirilaren 28(a), osteguna
HOBEKUNTZAK
Hainbat hobekuntza izaten ari gara matematikako blog honetan. Hasteko, kalkulagailua gehitu dugu alboko zutabean.
Baina ez hori bakarrik, Symbaloo pestaña berria ere badaukagu! Zer da hitz arraro hori?? Goikaldean izen arraro hori daukan pestaña aurkituko duzue. Han sakatuz gero, hainbat baliabide aurkituko duzue. Tresna baliogarria izatea espero dugu!! Denborarekin osatzen joango gara...
Ondo izan!
2016(e)ko martxoaren 14(a), astelehena
π EGUNA
Kaixo guztiei!
Urteko hirugarren hilabeteak hamalau ditu gaur bertan, eta Pi zenbakiaren (3,1416) eguna ospatzen da horregatik, urtero bezala.
Baina, zer da Pi? Wikipediak azaltzen digu Pi (π alfabeto grekoko hamaseigarren letrarekin idazten dena) zenbaki bat dela. Transkripzio batzuetan p moduan agertzen da.
Matematikatan eta Geometrian zirkunferentzia baten eta bere diametroaren arteko harremana da. Edozer zirkunferentziaren perimetroaren eta diametroaren arteko zatiduraren emaitza da Pi zenbakia.
Urteko hirugarren hilabeteak hamalau ditu gaur bertan, eta Pi zenbakiaren (3,1416) eguna ospatzen da horregatik, urtero bezala.
Baina, zer da Pi? Wikipediak azaltzen digu Pi (π alfabeto grekoko hamaseigarren letrarekin idazten dena) zenbaki bat dela. Transkripzio batzuetan p moduan agertzen da.
Matematikatan eta Geometrian zirkunferentzia baten eta bere diametroaren arteko harremana da. Edozer zirkunferentziaren perimetroaren eta diametroaren arteko zatiduraren emaitza da Pi zenbakia.
Zenbaki irrazional bat da, hau da:
Ez da p/q zatiki moduan lortzen.
Ez da inongo erroketatik eratortzen.
Ez da inongo zenbaki osodun espresio aljebraikotik lortzen.
Jarraian Pi zenbakiarekin loturiko bideo dibertigarri bat luzatzen dizuegu, zientzialari ero batzuk eginda:
Eta gehiajo jakin nahi izanez gero, hona hemen Pi zenbakiaren historia:
Ez da p/q zatiki moduan lortzen.
Ez da inongo erroketatik eratortzen.
Ez da inongo zenbaki osodun espresio aljebraikotik lortzen.
Jarraian Pi zenbakiarekin loturiko bideo dibertigarri bat luzatzen dizuegu, zientzialari ero batzuk eginda:
Eta gehiajo jakin nahi izanez gero, hona hemen Pi zenbakiaren historia:
2016(e)ko martxoaren 10(a), osteguna
ZENBAT KARRATU?
Kaixo guztioi!
Aspalditik ez genuen ezer argitaratzen hemendik eta jolas bitxi hau topatu dugu hemendik gertuko eskola batena, Mukusulubarena hain zuzen!! Gustatzea espero dugu.
A! Aholku bat: marraztu paper batean, bestela zoratuko zarete eta!!
Aspalditik ez genuen ezer argitaratzen hemendik eta jolas bitxi hau topatu dugu hemendik gertuko eskola batena, Mukusulubarena hain zuzen!! Gustatzea espero dugu.
A! Aholku bat: marraztu paper batean, bestela zoratuko zarete eta!!
2016(e)ko urtarrilaren 10(a), igandea
BENETAN?
Kaixo guztioi:
Aspalditik ez dugu ezer argitaratzen blog honetan, baina asteburu honetan topatutako argazkia dakarkizuegu.
Egia al dira berdinketa hauek? Norbaitek egiaztatuko du? Tira... Kalkulagailua erabiltzen utziko dizuegu. Anima zaitezte!!
Harpidetu honetara:
Mezuak (Atom)